Berceste Beyitler

Güşâde bâb-ı Hakk’a dîdesi mihrâbı âmâde. Döşenmişdir reh-i tâ’ât-ı Rabbânîde seccâde. Nâbî”

Helâk etmez bir iki darb-ı zikr emmâre-i nefsi. O bir tünd ejdehâdır kim nice cellâddan kalmış. Yenişehirli Avnî”

Aşk odu evvel düşer ma’şûka andan âşıka. Şem’i gör kim yanmadan yandırmadı pervâneyi. Lâedrî”

Eyledim teftîş gülzâr-ı hayâtı sû-be-sû. Her gül-i şevkinde bin bir hâr-ı mihnet gizlidir. Abdurrahman Şeref Güzelyazıcı”

Ger huzûr etmek dilersen ey Muhibbî fâriğ ol. Olmaya vahdet makâmı gûşe-i uzlet gibi. Muhibbî”

Bezm-i nûş-â-nûş imiş âlem bulunduk bir zamân. Gâlibâ bir şeyler içdik bâde-i firkat gibi. Ali Nihad Tarlan”

Gönül dâğ-ı gamınla sînede bir şem’ uyandırmış. Çerâğ-ı aşka bir garrâ kızıl altını yandırmış. Bâkî”

Alır yok bü’l-heves kâsid metâ’-ı nâzın arz etme. Der-i lutf-ı Hudâ’dan gayrıdan sanma recâmız var. Kelîm”

Her kim eylerse hilâf-ı emr-i kânûn-ı selef. Nâ-halefdir nâ-halefdir nâ-halefdir nâ-halef. Nahîfî”

Felek ârâyiş-i endâmı bî-endâm için saklar. Metâ’-ı kâm-ı hoş-fercâmı nâ-fercâm için saklar. Üsküdarlı Râzî”

Gönül sûzân eden cism-i nizârın tâze dâğındır. Seni pervâne-i aşk eyleyen kendi çerâğındır. Vecdî”

İstikâmet ehli hıfz-ı Hak’dadır ermez ziyân. Anın için servi incitmez beğim bâd-ı hazân. Azîz Mahmûd Hüdâyî”

Eylemem bîgâneler bezminde harf-i vâhide. Sînem içre saklarım ey genc-i esrârım seni. Mislî”

Halkın isti’dâdına vâ-bestedir âsâr-ı feyz. Ebr-i nîsândan sadef dür-dâne ef’î sem kapar. Belîğ Mehmed Emîn”